Muqdisho(INO)-Isaga oo ka hadlayay waxqabadka Wasaaradiisa, Wasiirka Gaashaandhiga Maxamed Xasan Xaamud ee jagada sii baneenaya waxa uu soo hadal qaaday daruufaha ay ku howllgalaan Ciidanka Soomaaliya.
Xaamud waxa uu sheegay in Ciidamada ay wax badan ay qabteen iyadoo baahi badan ay jirto islamarkaana aysan ciidanka heysan Qalab iyo mushaar ku filan.
“Ciidamadeena ma helaan Miisaaniyad ku filan hadii aysan heysan lahaayeen horumaro kuwa hada ka badan ayey gaari kareyn balse dowladda waxa ay wadaa sidii loo dhisi lahaa tayada Ciidamada” ayuu yiri Xaamud.
Dowladda ayaa kala wareegtay Al Shabaab deegaano badan hase ahaatee waxa ay wali Al Shabaab Maamulaan Dhul balaaran.
Idale News Online, Muqdisho
