Guracel(INO)-Waxaa weli kacsan xaalada deegaano hoostaga degmada Guriceel ee gobolka Galgaduud, kadib markii halkaasi ay gaaren dagaalyahaano ku hubeysan gaadiid dagaal oo aad u farabadan kana tirsan maleeshiyaadka Al-shabaab.
Maleeshiyaadkaani oo xalay ku hoyday duleedka degmada Guriceel ee gobolka Galgaduud, ayaa waxaa lasoo sheegayaa in Saakay ay bilaaben dhaqdhaqaaqii ugu xooga badnaa waxa ayna ku cadaadinayaan maamulka Ahlusuna.
Maleeshiyaadkaani oo soo buux dhaafiyay deegaanada warxole iyo biyo cade oo dhaca duleedka degmada Guriceel ee gobolka Galgaduud, ayaa waxaa iminka lasoo warinayaa inay banaanka uga soo baxeen labadaasi deegaan iyaga oo isku diyaarinaaya inay Ahlusuna kala wareegan dhulal dhowr ah.
Maleeshiyaadkaani ayaa waxa ay habeenimadii xalay sidoo kale, afduub ka geysteen deegaanka warxole iyagoo halkaasi kala baxay ilaa seddex ruux oo ay ku eedeynayaan inay u nugul yihiin Ahlusuna.
Ahlusuna ayaa sidoo kale iyana bilowday dhaqdhaqaaqii ugu xooga badnaa waxaana Saakay laga cabsi qabaa in isku dhac uu dhexmaro labada ciidan, iyadoo ay xusid mudan tahay in maleeshiyada ay horay uga soo siqeen deegaanada warxole iyo biyo cade.
Xaalada duleedka degmada Guriceel ee gobolka Galgaduud, ayaa Saakay cakiran waxa ayna cabsida ugu badan ay tahay mid ka taagan in maleeshiyada ay soo qaado weerar gaadmo ah.
Lama oga sida uu xaalka noqon doono waxa uuna dhaqdhaqaaqaasi qalqal galshay dadka ku nool duleedka degmada Guriceel ee gobolka Galgaduud.
Xafiiska Warqabadka Idale News Online, Baydhabo
Email: Idalenewsonline@gmail.com Baydhaba Janaay
