Baydhabo(INO); Iyadoo saaka duleedka magaalada Muqdisho laga afduubtay weriye ka tirsan idaacada goob goob ayaa waxaa waxa arintaas ka hadlay wasiirka warfaafinta xukuumada Somalia Ing. C/raxmaan Yariisow.
Weriye hanad Cali Guuleed oo ka tirsan idaaacada goob-joog ee Muqdisho ayaa waxaa saaka lix nin oo bastoolado ku hubeysan ay ka afduubteen degaanka Km13 ee duleedka magaalada xili uu ku soo jeeday goobtiisa shaqada.
Wasiirka Warfaafinta dowladda Soomaaliya Eng. Cabdiraxmaan Cumar Yariisow ayaa cambaareeyay afduubka loo geystay Wariye Hanad Cali Guuleed.
Eng. Cabdiraxmaan Yariisow ayaa ka dalbaday kooxaha afduubtay weriyaha iney shuruud sii daayaan, isagoo ku baaqay in la xurmeeyo bahda warbaahinta.
Lama oga illaa hadda cida afduubatay, weriyaha, sababta loo afduubay iyo halka la geeyey, inkastoo xaaskiisu ay sheegtay in xalay oo dhan ay telefankiisa soo wacayeen kooxo hubeysan oo u hanjabayey.
Idale News Online,
