Kismaayo(INO)-Wasiirka Dastuurka DFS Xuseen Maxamuud Xuseen oo khudbad uu ka jeediyay munaasibadii lagu ansixiyay Dastuurka Jubbaland ay ka careysiisey madaxda maamulka kmg ee Jubba iyo wakiilka IGAD ee Somalia Afeey, kuwaasoo jawaabta ay ka bixiyeen ay ka muuqatey hadalo anshaxa siyaasada aad uga fog.
Khudbada uu jeediyay Xuseen Maxamuud Xuseen ayaa waxaa aad uga carooday shacabka iyo Madaxda Jubbaland ee ku sugnaa hoolka shirarka ee Ceymiska magaalada Kismaayo.
Madaxweynaha Jubbaland Axmed Madoobe iyo ku xigeenkiisa Lugadheere ayaa hadalka wasiirka Dastuurka oo ahaa hadal aysan jeclaysanin madaxda iyo shacabka Jubbaland uga jawaabey si ka baxsan anshaxa iyo dowladnimada,
Madaxweyne ku xigeenka Maamulkaasi Luga dheere oo ka jwaabaayey hadalka Wasiirka ayaa yiri :
“Ninkii Jubbaland ku sheega ku meel gaar shacabka Jubaland waxaan farayaa in dhagax ha lagu dilo, taasi oo u muuqata dambi ay tahay in masuuliyiintaas ay ku muteysan karaan maxkadamad maadaama ay kicinayaan bulsho isla markaasna meel ka dhac ku ah madaxda qaranka.
Ma ahan markii uGu horeysey ee Lugadheere hadalo noocaan oo kale ah yiraahdo, dhowr jeer oo hore ayey aheyd markii uu meel fagaare ah ku aflagaadeeyey gudoonka barlamaanka iyo xildhibaanada qaranka Soomaaliyeed.
Dhageyso Lugadheere oo leh (KMG KAAD KA MAQASHAAN DHAGAX KU DILA)
C/qaadir Xaaji Cali Lugadheere oo haatan ah madaxweyne ku xigeenka Maamulka kmg ee Jubba ayaa ahaa dableydii ilaalada u aheyd Sareeye Guuto Maxamed Ibraahim Liiqliiqato oo ka tirsanaa madaxdii sarsare ee xisbiga hanti wadaaga kacaanka Soomaaliyeed, sidoo kalena 1983 noqday Gudoomiyihii Golaha Shacbiga ( President of the National Assembly), wuxuuna jagadaas hayey ilaa sanadkii 1989kii. Luga dheere Ayaan laheyn wax asluub ciidan iyo anshax taasoo laga dheehan karo hab dhaqankiisa siyaasadeed iyo marka uu hadalaayo taasi oo runtii fajax ku noqotey in maamulka Jubba u adeegsado 2da madaxweyne ku xigeen Lugadheere iyo Fartaag hadalada xanafta iyo meel ka dhaca leh ee madaxda dowladda loogu talo galey.
Idale News ONline, Kismaayo.
