Muqdisho (INO) __Kulankii Golaha Wasiirrada ee Shalay ayaa Xukuumaddu waxaa ay ku dhawaaqday qorshe Lacageed oo uu Wasiirkiiba ku bixinayo $1,000 “kun Dollar” waxaana ay tahay in Lacagtaas mid loogu Gurmanayo Dadka Soomaalida ah ee kasoo Cararaya Colaadda Yemen.
Ridwaan Xaaji C/weli Afhayeenka Xukuumadda ayaa kedib markuu soo Idlaaday Kulanku Wariyeyaasha la hadlay ayaa sheegay in Xukuumaddu ay qaadatay Mas’uuliyadda gaar ah, taasoo ay Lacagtaas ku uruurineyso kuna dhiibeyso soo Celinta dadkeeda.
Halkan Ka Dhageyso
Wasiirrada ayaa Kulanka ka sheegay in ay aad ugu qanacsanyihiin in ay dadkooda kusoo Badbaadiyaan Qarashaadka ay qaataan, yeysanba Badnaanine haddana waa wax qabad muuqda oo ay Xukuumaddu Sameyneyso.
Gurmad aan loo kala Harin oo qeybna tahay dib usoo Celin, qeynta kalena tahay soo Laabasho keddib dib u dejin loo Sameeyo iyo Wixii ay Cuni lahaayeen dadka soo Laabanaya ayaa ka socda Gobollo badan oo dalka ka mid ah, Muqdisho waxaa ka jira Ururro Bulsho oo isu taagay iskood ayaa waxaa ay ka Hadlaan Warbaahinta, halkaas oo Lacag deeq ah ay ku Uruuriyaan haddana ay dadka Soomaaliyeed ee Yemen ugu Gargaaraan.
Idale News Online – Muqdisho
