Baydhabo(INO)- Alle ha u naxariistee waxa Durhurnimadii Maanta ku geeriyooday Magaalada Baydhabo Ee Xarunta Gobolka Bay Malaaq Guud Ee Beesha Jiroon Malaaq Macalin Cali Barre.
Alle ha u naxarisiitee, waxaa uu Marxuumku ka mid ahaa madax-dhaqameedka Koonfur Galbeed Soomaaliya oo muddo dheer ka soo shaqeeyey illaalinta nabad galyada, waxaana uu kaalin mugleh ka soo qaatay Dhismaha Dowlad Goboleedka Koonfur Galbeed Soomaaliya.
Marxuum Malaaq Macalin Cali bare, waxaa kale oo uu ka mid ahaa culumada Gobolka Bakool, isaga oo wax badan ka soo qeyb qaatay fidinta diinta Islaamka, waxa kale oo lagu xasuusan doonaa caawinta iyo u gargaarida dadka masaakiinta ah iyo ka qeyb qaadashada horumarka Koonfur Galbeed Soomaaliya.
Ugu damneyntii, Alleh ha u naxariiste Malaaq Macalin Cali Barre, waxaa uu la filayaa in lagu aaso Magaalada Baydhabo.
