Muqdisho(INO)-Afhayeenka ururka Alshabaab Cali Maxamuud Raage oo la hadlay warbaahinta Alshabaab ayaa sheegay iney dagaal kala hortagi doonaan ciidamada dowlada UK usoo direyso Soomaaliya.
Afhayeenka Alshabaab ayaa sheegay in ciidamada Dowlada Ingiriiska ay kusoo dhaweyn doonaan Rasaas iyo iney waddooyinka ku gowracaan sida uu sheegay afhayeenka oo ka hadlayay askarta Ingiriiska usoo dirayo Soomaaliya.
Afhayeenka wuxuu sheegay iney dagaal ugu diyaar garoobeen ciidamada dowlada Ingiriiska ayna tusi doonaan awoodooda sida uu hadalka u dhigay.
Cali dheere, ayaa tusaalo usoo qaatay weeraradii kala duwanaa ee ciidamada Alshabaab ku qaadeen ciidamada Burundi iyo Uganda ee ku sugnaa Janaale iyo Leego.
Ugu dambeyntii,Dowlada Ingiriiska ayaa dhawaan sheegtay in 70 askari oo ka tirsan ciidamadooda usoo direyso Soomaaliya kuwaasi oo tababar siinaya ciidamada AMISOM iyo ciidamada dowlada Soomaaliya.
Idale News Online, Muqdisho
Idalenewsonline@gmail.com
