Saraakiisha Ciidamada Dowladda Soomaaliya ,gaar ahaan kuwa Milatariga Soomaaliya ee ku sugan Degmada Ceelbuur ee Gobolka Galgaduud ayaa ka hadlay Dagaal Degmada Ceelbuur ay kula galeen Al-shabaab.
Max’ed Kaariye Cawaale oo ah Taliyaha Ciidamada Milatariga ee Degmada Ceelbuur ayaa Idaacada kulmiye u sheegay in Dagaal ka dhacay Degmada Ceelbuur ay Ciidamada Dowladda Soomaaliya iyo kuwa AMISOM ay Guulo ka gaareen.
Waxaana uu sheegay in Dagaalka Al-shabaab ay oga Dileen ilaa 6 kamid ah Dagaal yahanada Al-shabaab islamarkaana Saddex kale ay Nolosha ku qabteen.
Max’ed Kaariye Cawaale ayaa sidoo kale sheegay in Tuulooyin hoosyimaada Degmada Ceelbuur ay Ciidamada Dowladda Soomaliya ka sameeyeen Howlgalo oo ay Guulo ka soo hooyeen Howlgalkaasi.
Idale News Online,Ceelbuur.
