Baledweyne(INO)— Wararka ka imaanaya magaalada Beledweyn ayaa sheegaya in nabadoon caan ah xalay lagu gowracay deegaanka Luuq Jeelow oo ku yaala galbeedka magaalada.
Nabadoonkan oo lagu magacaabo Santuur ayaa warar kala duwan ka soo baxayaan dilkiisa, waxaana saaka dadka deegaanka ay meydkiisa lagu arkay deegaan u dhow xaafada Howl-wadaag.
Wararka ayaa intaa ku daraya in Cali Santuur uu ka mid ahaa Shaqaalaha Hey’ad maxali ka howl gasha Gobolka Hiiraan oo lagu magacaabo Wardi.
Mas’uuliyiinta deegaanka ayaa sheegaya in dilkiisa ay ka dambeeyaan Al-Shabaab, isla markaana la shirqoolay ka hor inta aan la dilin.
Dhinaca kale waxaa xalay Xaafada Howl-wadaag lagu dhaawacay Macalin Dugsi, iyadoo koox hubeysan ay rasaas ku fureen, xilli uu ka soo baxay masaajid salaadii cishaha.
Xafiiska Warqabadka Idale News Online, Baydhabo
Email: Idalenewsonline@gmail.com Baydhaba Janaay
