Guddoomiyaha kmg ee barlamaanka Somalia oo dhowaan xildhibaanada cusub u doorteen inuu shir gudoonsho barlamaanka inta laga dooranaaya gudoon cusub General Muuse Xasan Cabdulle ayaa u muuqda inuusan rabin inuu ka hadlo isqabqabsiga xagga sharciga ee u dhaxeeya saxiixayaashii roadmap ee waqtigoodu dhamaadey kuwaasoo ku howlan sidii ay u afduubi lahaayeen hanaanka sharciga iyo dastuurka dalka u degsan.
Barlamaanka Somalia oo ah hay’ada ugu sareeysa ee hadda dhisan lehna awood buuxda oo ay ku soo faragalin karto murankaan siyaasadeed ee sharciga ah, bedelkii maxkamada sare laga dalban lahaa xalinta arrintaan la isku haysto. General Muuse Xasan, Afhayeenka kmg ah ee Barlamaanka, oo sida sharciga sheegaayo ah masuulka ugu sareeya ee dalka ilaa inta laga dooranaayo gudoonka cusub ee barlamaanka maalinta Talaada ee bisha August tahay 28ka, ayaa howshiisa ku koobey oo kaliya diyaarinta doorashooyinka, halka saxiixayaashii roadmapka qaarkood yihiin xildhibaano ka tirsan barlamaanka ay ku howlan yihiin arrimo sharciga ka baxsan oo ay aheyd in hay’ada sharci dejinta dalka looga dambeeyo
Dhowaan ayey aheyd markii madaxweyhii waqtigiisu dhamaadey Shariif Sh. Axmed iyo Gudoomiyihii hore Sharif Xasan ay u dalbadeen in maxkamada sare loo gudbiyo xubnaha la celiyey, isla markaasna maxkamada sare ay arrintaas go’aan ka gaarto.
arrintaas ayaa waxaa diidmo kala horyimid 4 ka mid ah saxiixayaasha, isla markaasna guddiga soo xulista barlamaanka sheegey iney howsha u taala dhameystirayaan, dhegna jalaq u siin doonin go’aanada madaxdii hore ee dowlada iyo kan maxkamada sare.
Xafiiska Warqabadka Idale News Muqdisho
Idale News Muqdisho
