Maxkamada Ciidamada Qalabka sida ee Dowlada Soomaaliya ayaa maanta xukun dil ah waxa ay ku fulisay Askari katirsan Ciidanka Dowlada Soomaaliya oo horey Magaalada Muqdisho ugu dilay Arday wax baranayay.
Maxkamadda darajada Koobaad ee ciidamada qalabka sida ayaa saakay aroor jore waxa ay dil toogasho ah ku fulisay Ex- Dable Maslax Ciise Iimaan oo ku cadaatay Dambi ah in uu Degmada Howlwadaag ku dilay Ruux Arday ah.
Xukunka Dilka ayaa saakay ka dhacay fagaaraha iskool Boliisiya, waxaana halkaasi ku sugnaa gudoomiyaha maxkamadda darajada koobaad ee ciidamada qalabka sida, saraakiil ka tirsan ciidamada, mas’uuliyiin kala duwan iyo dadweyne usoo daawasho tagay.
Maxkamada Ciidanka Qalabka Sida ayaa sidoo kale shaaca ka qaaday in Xukunka Dilka ee Maanta la fuliyay uu bilow u yahay Xukuno kala duwan oo maalmaha soo aadan ay fulin doonto Maxkamada Ciidanka Qalabka sida.
Idale News Online,Muqdisho.
