Muqdisho (INO) __ Waxaa Maalintii 3-aad baaqday Kulanka Cod u qaadista Mooshinka ay Xildhibaanada Federaalka ka keeneen Baarlamaanka Jubba, kadb markii uu Kooramka buuxsami waayay.
Wararka Hoose oo Idale News Online heshay ayaa sheegaya in Madaxweyne Xasan Sheekh, Axmed Madoobe & C/wali Gaas ay Lacag badan oo Laaluush ah siiyeen Xildhibaanada, si ay ugu baaqsadaan Kulamada Codka Loogu qaadayo Mooshinka.
Madaxweyne Xasan Sheekh ayaa si aad ah uga soo horjeeda Mooshinka, waxaana Maalintii Shalay u diray Golaha Shacabka Ciidan gaar ah, kuwaasi oo Xildhibaanada kahor istaagay Xildhibaanada Kulan ay Cod ugu qaadi lahaayeen Mooshinka.
Madaxweyne Xasan Sheekh ayaa Gudoomiyaha Baarlamaanka Soomaaliya Maxamed Sheekh Cusmaan Jawaari ugu baaqay in si dedban loo baajiyo Mooshinka, iyadoo la adeegsanayo Xildhibaanno lacag la siiyay, si Kulamada ay Kooram la’aan ugu baaqdaan.
Shalay Ciidanka Nabad Sugida ayaa qal-qal geliyay Xildhibaanada, xilli ay Shir ku lahaayeen, iyadoo Xarunta Golaha Shacabka ay tageen Wasiirka Amniga & Taliyaha Ciidanka Nabad Sugida oo sheegay in Qaraxyo la geliyay Dhisamaha Baarlamaanka.
Ugu dambeyntii Xildhibaanada ayaa ugu baaqay Gudoonka Baarlamaanka inuu joojiyo Garabka uu ku siinayo Madaxtooyadda fashilinta Mooshinka ka dhanka ah Baarlamaanka Axmed Madoobe.
Idale News Online -Muqdisho
