Muqdisho(INO)_Dowladda Mareykanka ayaa abaal marin lacageed siineysa cid kasta oo keenta akhbaar la xiriirta lix ka mid ah hoggaamiyayaasha kooxda Al-Shabaab ee ka dagaalanta gudaha Soomaaliya.
Lix milyan oo dollar ayay dul dhigeen hoggaamiyaha Al-Shabaab Abu Cubeydah, oo bishii September ee sanadkii tagtay noqday hoggaamiyaha Al-Shabaab, kadib markii Mareykanku uu dilay Axmed Cabdi Godane.
Sidoo kale, min shan milyan oo dollar ayaa la dul dhigay ragga kala ah Mahad Karatey, Macallin Daa’uud iyo Xasan Afgooye oo ka tirsan madaxda Al-shabab.
Sadexdan xubnood ayaa lagu kala eedeeyay ka qeyb qaadashada shirqoolo dil. maleeegista weeraro ka dhan ah dowladda iyo bartilmaadyo reer galbeedku ay leeyihiin iyo askareynta dhalinyarada.
Waxaa kaloo min sadex malyuun oo dollar lagu bixinayaa madaxa Macallin Salmaan iyo Axmed Imam Cali.
Wasaaradda Arrimaha dibadda Mareykanka ayaa sheegtay in Macalin Salmaan uu madax u yahay dagaalyahanadda Al-shabab ee ka soo jeeda dalalka Africa, halka Axmed Iimaan Cali loo heysto inuu dhalinyaro Kenyan ah u askareeyay al-shabab taageero lacageednna uu u ururiyay.
Mareykanka ayaa Al-Shabaab waxa ay u aqoonsadeen ururu argagxiso bishii February ee sanaddii 2008.
Idale News Online, Muqdisho, Somalia
