Baydhabo(INO)–Xaflad lagu Furaayey Xisbi layiraahdo Hal&Nirig oo Maanta laga furey Magaalada Baydhabo Ee Xarunta Gobolka Bay Xisbi Siyaasadeedka ayaa waxaa ku jira Aqoonyahano iyo Ganacsatada ka socatey Gobalada Koonfureedka Ee Soomaaliya Xisbigaas ayaa noqanaya Xisbigii ugu horeeyey ee ay yeelanayaan Gobalada koonfureed .
Xaflada lagu Caleema saarayey Gudoomiyaha Cusub Ee Xisbiga Dr. Idriss Cabdi Dhaqtar ayaa waxaa hadal ka jeediyey Siyaasiga weyn Maxamed Aaadan Qalinle isagoo sheegey in ay tahay talaabo aad u fiican.
waana soo dhaweynaynaa Aqoonyahanada Koonfurta Soomaaliaya ee sameeyey Xisbi Siyaasadeedka Hal iyo Nirig , waxuuna ka codsadey in dhamaan Gobalada Soomaaliya laga Furo Xisbiga Hal iyo Nirig.
Gebagebadii ayaa waxaa halkaaas ka hadley Gudoomiyaha Xisbi Siyaasadeedka Hal iyo Nirig Dr. Idiris Cabdi Dhaqtar , isagoo sheegey in Ujeedada ay u sameeyeen ay Tahay in dalka uu ubaahan yahay Siyaasad kusaleysan Nabad , Sinaan iyo Cadaalad iyo in bulshada ay wax qabsadaan sida hada ay u dabooleen Baahida aasaasiga ah sida Waxbarashada , Biyaha iyo caafimaadka.
Ugu dambeyntii waxuu kale sheegey Gudoomiyuhu in wadanka Soomaaliya lakala qayb qaybsadey ayna dowlada shisheeye ka Fulinayaan Dano u gaar ah , si loogu Baxo arimahaas ayaa Xisbigan loo Aas aasey .
Idale News Online, Baydhabo
