Kolonyo gaadiid ciidamada AMISOM oo qarax lagula eegtay duleedka magaalada Jowhar

0
217

Baydhabo(INO); Wararka ka imanaya magaalada Jowhar ee xarunta gobolka Sh/dhexe ayaa sheegaya in kolonyo gaadiid ah oo ay ciidamada AMISOM leeyihiin qarax lagula eegtay duleedka magaalada Jowhar.

Qaraxan ayaa la sheegay in uu ahaa mid ka dhashay miinooyinka dhulka lagu aaso waxaana qasaare ay ka soo gaartay dad rayid ah iyo qaar ka mid ah ciidamada AMISOM.

Inta la xaqiijiyay labo ruux oo rayid ah ayaa ku geeriyootay qaraxan iyadoo labada ruux ay ahaayeen wiil iyo gabar walaalo ah oo saarnaa mooto maraysay meel ku dhow halka uu qaraxu ka dhacay.

Qaraxan ayaa ka dhacay meel aan ka fogeyn saldhig ay ciidamada nabad ilaalinta AMISOM ku leeyihiin garoonka diyaaradaha magaalada Jowhar. Dadka ku sugan meel aan ka fogeyn halka uu qaraxu ka dhacay ayaa sheegay in mid kamid ah gaadiidka kolonyada ciidamada AMISOM uu halkaa ku gubtay.

Wararka qaar ayaa sheegaya in diyaarado helikabtar ah ay ka qaadeen saldhiga ciidamada AMISOM ee duleedka Jowhar balse ma jiro illaa iyo hadda wax war ah oo ka soo baxay ciidamada AMISOM iyo dowlad goboleedka Hirshabeelle.

 

Idale News Online,