Garbahaarey (INO) — Ciidanka Kenya ee ku sugan dalka Soomaaliya ayaa Duqeyn Madaafiic ah ka geestay Deegaanno dhowr ah oo ku yaalla Gobolka Gedo, ee Koonfur Galbeed Soomaaliya.
Madaafiic ay Ciidanka Kenya kasoo rideen Saldhigyada ay ku leeyihiin Xadka u dhaxeeya Soomaaliya iyo Kenya ayaa waxay ku dhaceen Deegaanada kala ah Qayla-Dhaawe, Toblow iyo Garba-joog oo ku yaalla Duleedka Magaalada Beled-Xaawo ee Gobolka Gedo.
Sarkaal katirsan Maamulka Gobolka Gedo ayaa u xaqiijiyay Idale News Online Duqeynta, isagoo sheegay in Hooyo iyo 3 Caruur ah oo ay dhashay ay ku geeriyoodeen Madfac ku dhacay Gurigooda, iyadoo sidoo kale ay jireen waxyeello kala eoo Shacabka kasoo gaartay Duqeynta Ciidanka Kenya.
Dadka Deegaanada la duqeeyay ayaa sheegay in Al shabaab aysan ku sugneyn Goobahaasi, oo ay Ciidanka si micno la’aan ah oo arxan darro ah Maatida u leynayso iyadoo u aar-gudeysa dadkii Al shabaab uga dileen Weeraradi dhawaan ka dhacay Waqooyiga Bari ee Kenya.
Ciidanka Kenya ee ku sugan Jubbooyinka iyo Gedo ayaa Joogteynaya Weerarada dhanka Cirka iyo Dhulka ah ee ay ku garaacayaan Goobaha Shacabka ay degan yihiin, iyagoo ku andacoonaya inay All shabaab ku bartilmaameedsanayaan.
Idale News Online – Garbahaarey
