MN(INO)-Madaxweynaha dowlad deegaanka Soomaalida Itoobiya Cabdi Maxamuud Cumar ayaa shuruud adag ku xiray wadahadal ay la galaan ururka ONLF ee dagaalka mudada dheer kula jiray ciidamada dowladda Federaalka Itoobiya.
Madaxweyne Cabdi Maxamuud Cumar ayaa sheegay in ONLF ay marar badan fashiliyeen wadahadallo ay kula jireen dowladda Itoobiya wuxuuna carrabka ku dhuftay iney shuruud adag ku xirayaan wadahadal ay la galaan ururka hubaysan ee ONLF
Cabdi Maxamuud Cumar Madaxweynaha dowlad deegaanka Soomaalida Itoobiya ayaa sheegay in wadahadal ay la galaan ONLF ay ka horeyso iney qaataan Dastuurka Itoobiya ee Muqaddska ah sida uu hadalka u dhigay.
Madaxweynaha dowlad deegaanka Soomaalida oo xiligan ku sugan wadanka Maraykanka ayaa dhanka kale sheegay in deegaanka uu ka socdo horumar baaxad weyn oo ay kamid yihiin horumarka kaabayaasha dhaqaalaha iyo midka aas aasiga ah oo uu ka xusay Biyaha waxbarashada, Caafimaadka,Beeraha iyo wax kabedel nolosha dadweynaha.
Wuxuuna sidoo kale sheegay in deegaanku uu ku tallaabsaday horumar dhanka kaabayaasha dhaqaalaha sida dhismaha wadooyin laamiyo ah iyo horumarinta Isgaarsiinta casriga ah,wuxuuna dhanka kale tilmaamay iney deegaanka ka socdaan Maalgashi ay ku samaynayaan Qurba joogta deegaanka kasoo jeeda.
Dowladda Itoobiya ayaa horaan rag ka tirsanaa saraakiisha sare ee ururka ONLF ku qancisay iney ka goostaan ururkaas isla markaane ay ka tanaasulaan fikirkii ay sanadaha badan usoo dagaalamayeen.
Idale News Online, MN USA.
