Baydhabo(INO)- Gudiga Amaanka oo Dhawan Madaxweynaha Koonfur Galbeed Soomaaliya Sharif Xasan Sheekh Aaden magacaabay ayaa wada hawlo ka dhan ah isbaarooyin yaala wadooyinka qaar ee Degmooyinka Gobolka Bay.
Ayadoo dhawaan Madaxweynaha Dowlada Koonfur Galbeed soomaliya uu magacaabay gudi ka koobon 19 xubnood oo u xilsaan qaadista jid gooyooyinka iyo nabad galiyada oo iskugu jira saraakiisha ciidamada dowlada iyo kuwa dowlada Koonfur Galbeed Soomaaliya ayaa waxaa maanta isagoo hogaaminaya wasiirka maaliyada KGS ahna Gudoomiyaha gudigaasi ay gareen deegano dhowr ah oo ciidamo isbaaro u taalay.
Ciidamada isku dhaf aha ayaa la geeyay goobihii ciidamada dowlada horey u joogeen waxaana lagu wereejiyey ciidamo iskudhaf ah oo isugu jira kuwa Dowlad goboleedka iyo wuwa federaalka.
Abaanduuliyaha ciidamada qeybta lexdanaad Gashaanle sare Ismaacil khaliif shire ayaa sheegay in muhiim ay tahay qaadista jid gooyooyinka iyo isku dhafka ciidamada.
Godoomiyaha gudiga nabad galiyada ahna Wasiirka Wasaarada Maaliyada Dowlad Goboleedka Koonfur Galbeed Sheekh Xasan Lugbuur ayaa tibaaxay talaabada Dowlada Koonfur Galbeed ay ka wado deeganada ciidamada isbaarada u tiilay isagoona sheegay in uu guul ku soo id laaday.
Abshir Maxamed Nuur, Idale News Online, Baydhabo
