Baydhabo (INO)-Waxaa maanta la filayaa in Magaalada Baydhabo ee Gobolka Baay lagu caleemo saaro guddoomiyaha Baarlamaanka Maamulka Koofur Galbeed Cabdiqaadir Shariif Sheekhuna.
Caleemo saarka Cabdiqaadir Shariif Sheekhuna ayaa waxaa lagu wadaa in ay ka qeyb masuuliyiin ka tirsan dowladda federaalka sida Guddoomiyaha Baarlamaanka iyo Ra’iisul Wasaaraha Xukuumadda Soomaaliya.
Cabdiqaadir Shariif Sheekhuna ayaa dhawaan ku guuleystay doorashadii Guddoomiyaha Baarlamaanka maamulka Koofur Galbeed ee ka dhacday Magaalada Baydhabo.
Diyaar Garoow xoogan ayaa ka soconeysa Magaalada Baydhabo ee Gobolka Baay oo ku aadan caleemo saarka guddoomiyaha Baarlamaanka Maamulka Koofur Galbeed Soomaaliya.
Idale News Onlie,Baydhabo
