Muqdisho (INO) — Warar Hoose oo Shabakada Warbaahinta Idale News Online ka heshay Sirdoonka DFS ayaa sheegaya in Gabar dhawaan ka timid dalka Holland (Netherlands) ay fulisay Weerarkii 2-aad ee Shalay ka dhacay Central Hotel.
Gabdhan ayaa la sheegay inay Mudo 6 Bilood ah kamid ahayd Shaqaalaha soo dhoweynta Central Hotel, waxaana ay Mudo ka yar ay joogtay Muqdisho markii ay kasoo laabatay dalka Holland oo dhalashadiisu haysatay.
Hay’adda Sirdoonka Soomaaliya, ayaa qabatay ugu ugu yaraan 12 Ruux oo kamid ah Shaqaalaha & Maamulka Hoteelka, kuwaasi oo hadda Su’aalo la xariira Weerarka lagu weydiinayo Xabsiga NISA ee Habar-Khadiijo.
Su’aalaha la is weydiinayo ayaa ah Sidee Gaari ku xiran Walxaha qarxa loo geliyay Gudaha Hoteelka sidoo kalena loo ogaan waayay Qofka Shaqaalaha Hoteelka ah ee Qaraxa kala soo gudbay qeybta Amaanka, iyadoo Madax sare ay Goobta degan yihiin?
Ugu yaraan 25 Ruux, oo ay ku jireen Labo Xildhibaan iyo Siyaasiyiin ahaa ku dhintay Labo Qarax oo midka hore ahaa Gaari NOAH ah oo Gudaha lagu diyaariyay & Qof kale oo isqarxiyay, kaasi oo loo maleynayo inay tahay Gabadhha Holland ka timid.
Ku xigeenka Ras’iisul Wasaaraha Maxa’ed Cumar Carte, Wasiirka Gaadiidka & Duulista Hawada Cali Jaamac Jangali ayaa ku dhaawacmay Qaraxyada.
Idale News Online, Muqdisho.
