Baydhabo(INO)-Allaha u naxariste wariye Daa’uud Cali Cumar oo ka mid ahaa wariyaasha ka howgl gali jiray Magaalada Baydhabo ee xarunta Gobolka Bay oo habeenimadii xaley isaga iyo xaaskiisa lagu dilay guri ay ka daganaayeen magaaladaasi ayaa maanta oo khamiis marxuumiinta waxaa lagu wada aasay qeybo ka mid ah Magaaladaasi.
Waxaana aaska ka qeb galay masuuliyiin ka tirsan Dowladda Koonfur Galbeed Soomaaliya ehelada marxuumiinta iyo wariyaasha Magaaladaasi ka howlgala.
Wasiirka wasaarada warfaafinta Dowladda koonfur Galbeed Soomaaliya Ugaas Xasan Cabdi ayaa warbaahinta u sheegay in Dowladda KGS ay aad uga xun Tahay dilkaasi wariyaha iyo xaaskiisa loo gestay.
Waxa uu sidoo kale wasiirka warfaafinta uu tilmaamay in baaritaano xoogan uu soconayo kaasi oo ku aadan baadi goobka raggii dilkaasi foosha xun ka danbeeyey.
“Waxaan aad uga xunahay dhacdadaan waxaana wadnaa baaritaano wariye Daa’uud waxa uu ahaa geesi maalmaha soo socda war fiiran ayaad maqli doontaan,” ayuu yiri Ugaas Xasan Cabdi
Sikastaba saxafiyiinta ka howlgala idaacada Radio Beydhabo ayaa aaska kadib waxa ay tacsi tiiraanyo leh u direen qaraabada Daa’uud Cali Cumar oo ay iskala howlgalayeen idaacadaasi waxa ayna ilaah uga baryeen in janadii fardowso uu ka waraabiyo.
Halkan Ka Daawo,Caasha Kiin-Wariyaha Xaqdhow
Idale News Online, Baydhabo
