Muqdisho(INO)-Zakariye Xuseen Axmed oo ka mid ah Odayaasha dhaqanka ee ka soo jeeda Shabeelada Hoose ayaa waxaa uu Baaq dheer u jeediyay Dowladda Koonfur galbeed soomaaliya in ay nidmaam saxan u sameeyaan Gobolka Shabeelada hoose oo maal mahaan ay ka taagnaayeen dhibaatooyin colaadeed.
Oday dhaqameedkaan ayaa waxaa hadalkiisa intaas ku daray in Dowladda Koonfur Galbeed ay ogaadaan in Shabeelada Hoose Maamulkooda looga fadhiyo wixii laga yeeli lahaa Shabeelada hoose iyo Arimahooda.
Zakariye oo wata hadalkiisa ayaa waxaa uu sheegay in Maamulka laga sugayo in mar danbe xabad ka dhicin Shabeelada hoose.
Ugudanbeyn waxaa uu baaq u jeediyay shacabka dega shabeelada hoose in ay midoobaan oo ay la shaqeeyaan Maamulka Koonfur Galbeed ee soomaaliya si dhibaatada loogu baxo.
Halkan Ka Dhageyso.
Idale News Online, Muqdisho
