Baydhabo(INO)-Magaalada Baydhabo ee Gobalka Bay ayaa habeenkii xalay ahaa waxaa looga dabaal degay Munaasabadda 1-da Luuliyo oo ah markii ay xuroobeen gobalada Koonfureed ee Soomaaliya islamarkaana ay midoobeen gobalada Waqooyi iyo Koonfur Soomaaliya.
Munaasabadaan waxaa ka qeybalay Mas’uuliyiinta Dowladda KGS oo Ugu horeeyo Madaxweyne Shariif Xasan,Wasiirka Wasaaradda Haweenka KGS, Faadum Cumar, siyaasiyiin odayaasha Dhaqanka, shacab aad u badan iyo fanaaniin halkaasi ku qaaday heesho ka tarjumaya maalintaan qiimaha badan.
Munaasabadda waxaa Lagu soo Bandhigey Tix Gaboy ah taas oo Gilgilisey Laabta Dadkii Dhageysanayey,Wasiirka Haweenka ee KG Soomaaliya oo halkaasi Khudbada ka jeedisey ayaa ka hadashey Muhiimada Midnimada iyo ilaalinta Xaquuqda Haweenka KGS.
Waxayna sheegeytey Guud ahaan In Haweenka Soomaaliyeed har iyo Habeenba ay soo jeedaan isla markaana waxay Intaa ku dartey in la ilaaliyo Xuquuqdooda.
Wasiirka Haweenka iyo u doodista xuquuqda Insaanka Ee KG Soomaaliya Marwo Faadumo Cumar ayaa sheegtey in la difaaco danaha bulashadda Nugul Sida Haweenka iyo sidii bulshada ay ugu wacyigelin lahaa inay dadkaasi ay helaan xuquuqdooda iyo daryeel koodaba oo dhameystiran.
Ugu dambeyntii, wasiirka Haweenka KGS ayaa shacabka ugu baaqdey in la garab istaago ciidamadda DFS iyo kuwa Nabad ilaalinta Midowga Afrika ee soomaaliya Ee AMISOM,waxayna Xogaga Al-shaab ee Soomaaliya ku Eedaysay in Dhibaato weyn ay ku haayaan Haweenka Soomaaliyeed.
Halkan Dhageyso Khudbaddii Wasiirka Haweenka KGS
Idale News Online Baydhabo
