Galkayo(INO)-Cabdi Qeybdiid ayaa ugu baaqay odayaasha dhaqanka, waxgaradka iyo culumaa’udiinka ineey u istaagaan hakinta dagaalada ka socda deegaanka Warshuba, wuxuuna intaasi ku daray in maamulkiisu uu diyaar u yahay inuu gacan buuxda ka geeysto sidii loo joojin lahaa colaadda u dhaxeeya beelaha walaalaha ah.

Halkan Ka Dhageyso

“Waxaan rabaa inaan baaq nabadeed halkaan uga diro dadka ku dagaalamaya deegaanka Warshuba oo ka tirsan degmada Xarardheere, waxaan rabaa anigoo ku hadlaya magaca maamul goboleedka Galmudug iyo inta nabadda jecel,  ineey joojiyaan dagaalka wadahadalna lagu dhameeyo wixii khilaafaad ah” ayuu yiri Cabdi Qeybdiid.

Hadalka Cabdi Qeybdiid ayaa imaanaya iyadoo dagaallo geystay waxyeelo kala duwan ay shalay ilaa maanta ka dhacayeen deegaanka Warshuba,  kaasoo u dhaxeeya beelo walaalo ah oo halkaasi wada dega.

Idale News Online, Galkacyo