Tiyeeglow(INO)-Wararka naga soo gaaraya degmada Tiyeegloow ee gobalka Bakool ayaa sheegaya in roobab badan ay ka da’een deegaanada hoos yimaada degmadaas iyo gudaha magaalada.
Gudoomiyaha degmadaas ayaa usheegay Warbaahinta Gudaha Dalka in ay xoolaha iyo dadkuba ku diiradeen roobabkan, isagoo sheegay in ay jiraan xaalado ka dhashay roobabkan oo ay ugu horeeyaan jidadka qaarkood oo go’ay.
Gudoomiyaha ayaa sheegay in ay horay xaalad biyo la’aan oo baahsan uga jirtay degmadiisa, isla markaasna ay hada wax kasta caadi yihiin.
Degmada Tiyeegloow ayaa ku jirta go’odoon ay galisay Xarakada Shabaab, markii ay gacantooda ka baxday magaaladaas.
Halkan Ka Dhageyso.
Idale News Online, Tiyeeglow
