Baydhabo(INO)- Iyadoo ay isa soo tarayaan eedeynta iyo dhaliilaha ka soo Baxayaan Doorashada Aqalka Hoose ee Koonfur Galbeed Soomaaliya oo la soo gebo gabeeyey ayaa Qaar ka mid ah Xildhibaanada Baarlamanka Dowlad Goboleedka Koonfur Galbeed Soomaaliya waxay qireen inuu jiro Musuq Maasuq iyo wax isba marin la sameeyey Xilligii Doorashada.
Xildhibaan Xasan Cali Cabdi Nuur (XASANOW) oo ka mid ah Mudanayaasha Baarlamanka Koonfur Galbeed Soomaaliya ayaa ciidamada Itoobiya ee Ka tirsan Howlgalka AMISOM ku eedayey in Gudiga Doorashada Koonfur Galbeed Soomaaliya ay ku gancan siyeen in wax isbamarin ay sameeyaan, isagoona xusey in loo diiday Xildhibaanada mararka qaar Galitaanka Goobaha Doorshada waa sida hadalka u dhigey ee.
‘ Baydhabo doorasho Xalaal ah kama dhicin, Musuq Maasuq Doorashada Ugu weyn Somalia waxa ka dhacdey Baydhabo, Dhibaatada ugu weyn waxaa Geysanaya Ciidamada AMISOM Ee Itoobiya, Xasaanada BKGS ayey ku tunteen Ciidamada Itoobiya” ayuu yiri Xildhibaan Xasan Cabdi Nuur .
Si kastaba ha ahaatee Ciidamada AMISOM ayaa doorkoodu ahaa sugida amaanka Goobaha Doorashooyinka ka dhacayaan.
Ugu Hadalkan ayaa ku soo beegamaya Xilli Gudiga xalinta Khilaafaadka (GXKH) ay laaleen 5 Mudane oo laga soo doortey Degaanada Dowlad Goboleedka Koonfur Galbeed Soomaaliya kuwaasoo ay sheegeen inay ku soo baxeen sifo sharci daro ah isla markaana Gudiga Doorashada Koonfur galbeed Ayaa dhankoodu qaadhacey Go’aanka GXKH. iyagoona u tilmaamey mid siyaasadeysan oo laga leeyahay Dano gaar ah.
