Baydhabo(INO)- Iyadoona Gudiga Xalinta Khilaafaadka Ee Doorashooyinka ay diideen Natiijada Doorashada 5 mudane oo laga sooo doortey Degaanada Dowlad Goboleedka Koonfur Galbeed Soomaaliya isla markaana ay ka mid tahay Xildhibaanada La diidey Samra Ibrahim Cumar ee kursiga Beesha Geelidle ayaa waxa Go’aanka Gudiga Xalinta Khilaafaadka si diiraan u Soo dhaweeyey Malaaq Guud ee Beesha Geelidle Malaaq Ibrahim Cali Leysaamow oo ku jira Liiska odayaasha dhaqanka 135 ee Dowlada Soomaaliya ay Aqoonsan tahay.
Malaaq Ibrahim Leysaamow ayaa ku Tilmaamey Go’aank gudiga Xalinka Khilaafka (GXKH) mid Cadaalad ah oo loo fiirsadey.
” Gudiga Cadaalad Bay Mareen, Annigoo ahaa Ugaas Beesha Ergadii aan qorey baa la bedeley, ergo Jaabkooda ah oo Taliyaha Booliska 3da Gobol Ee KGS gaarigiis laga soo aruurshey bay sawirteen, Dadkii Musharaxiinta ahaa Ee reerka Looma yeerin, aniguna Ciidan baa lagu fasaxay, waxaa marqaati ka ah Gudiga Doorashooyinka Qaranka, AMISOM iyo dadkii Meesha Joogey ” ayuu yiri Malaaq ibrahim Leysaamow.
Ugu Hadalkan ayaa ku soo beegamaya Xilli Gudiga xalinta Khilaafaadka (GXKH) ay laaleen 5 Mudane oo laga soo doortey Degaanada Dowlad Goboleedka Koonfur Galbeed Soomaaliya kuwaasoo ay sheegeen inay ku soo baxeen sifo sharci daro ah isla markaana Gudiga Doorashada Koonfur galbeed Ayaa dhankoodu qaadhacey Go’aanka GXKH. iyagoona u tilmaamey mid siyaasadeysan oo laga leeyahay Dano gaar ah.
Halkan Ka Dhageyso
