Bayadhabo(INO)- Madaxweynaha Dowlada Koonfur Galbeed Soomaaliya Shariif Xasan Sheekh Aden ayaa maanta March 8, 2016 magaalada Baydhabo kaga qayb galay Munaasibad lagu xusayey maalinta Haweenka Adduunka oo sannadkiiba la xuso maanta oo kale 8-da maarso.
Halkan Ka Dhageyso Khudbadda Madaxweynaha
Munaasibadda ayaa waxaa kasoo qayb galay guddoomiyaha Baarlamaanka Dawladda KGS Shariif Sheekhuna Maye, Wasiirro, Xildhibaano, odayaal dhaqameed, xubno meteleyey beesha Caalamka, AMISOM, boqollaal Haween ah iyo Wasaaradda Haweenka Dawladda KGS oo iyadu soo qaban-qaabisay Munaasabadda.
Halkan Ka Dhageyso Wasiirka Wasiirka Haweenka
Madaxweynaha ayaa sheegay in haweenku ay yihiin laf-dhabarta ummad walba, isla markaasna sheegay in maalintani ay muhim u tahay haweenka Adduunka, sidoo kalena uu aad ugu faraxsan yahay in uu kala soo qayb galo xuska maalintan haweenka Koonfur Galbeed Soomaaliya.
Madaxweyne Shariif Xasan Sheekh Aden ayaa xusay qiimaha ay leedahay in la’ ilaaliyo xuquuqda haweenka isagoona sheegay in haweenka ay Diinta Islaamku siisay xuquuq dhammaystiran taas oo aan cidkale siin karin.
Ugu dambayntii kula dar-daarmay haweenka Koonfur Galbeed Soomaaliya in ay sii wadaan ka-qayb qaadashada horumarka iyo nabadda KGS maadaama ay horeba uga shaqayn jireen.
Halkan Ka Daawo Sawiradda.
Idale News Online, Baydhabo
