Baydhabo(INO)__Madaxweynaha Dowladda Koofur Galbeed Soomaaliya Shariif Xasan Sheekh Aadan ayaa maanta gaaray magaalada Baydhabo ee Xarunta Gobolka Bay, kadib safaro uu ku Soo kala bixiyey Magaalada Garowe ee Puntland, Magaalada Muqdisho iyo Degmooyin ka tiran Gobolka Shabellaha Hoose.
Madaxweyne Shariif Xasan ayaa waxaa ku soo dhoweeyay garoonka diyaaradaha Ee Shaati-Gaduud Ee Baydhabo Wasiiro ka tirsan Dowladda Koofur Galbeed Soomaaliya,Maamulka Gobolka Bay, odayaasha dhaqanka iyo qeybaha bulshada.
Madaxweynaha KG Soomaaliya ayaa ugu horrey ka mahadceliyey Soo dhaweynta ee aan loo kala harin isla markaana waxa uu faah faahin ka bixiyey Safarkiisi ee Garowe, Muqdisho iyo Gobolka Shabellaha Hoose.
Madaxweynaha KG Soomaaliya ayaa Sheegey in Shirkii wadatashiga ahaa ee Garowe uu ku soo dhamaadey Guul isla markaana Waxa uu sheegey intii shirkaasi uu socodey ay kala hadley Maamulka jubba , Dowladda Soomaaliya Iyo Beesha Caalamka in si cadaalad ah looga noqodo dhismaha baarlamanka jubba oo aad loo dhaliiley.
” Madaxweynaha Soomaaliya, RW CCC sharmarke iyo Beesha Caalamka ayaan kala hadley Dhismaha Baarlamanka Jubba oo aan Xaqiiqda ku dhisneyn, waxayna Niyad sami ka muujiyeen Codsigeeyaga, Annagu waxaan jecelnahay in Si siman oo Cadaalad ah looga wada Qiib Galo Siyaasadda Maamulka Jubba, beelaha halkaasi degna loo tixgaliyo Degmooyinkooda, dhulkaasi dadka dega waa la yaqaanaa, taariikhdiisunu lama bedeli karo” ayuu yiri Madaxweyne Shariif Xasan.
Halkan Ka Dhageyso.
Maxamed Aadan Maxamed, Idale News Online, Baydhabo
