Muqdisho ( INO)-Shariif Xasan Sheekh Aadan oo ah Madaxweynaha Koofur Galbeed oo maamulkaasi muddo 2 sano hoggaaminayay ayaa lagu eedeeyay in uu caqabad ku yahay horusocodka Dowlad Goboleedka Koonfur Galbeed.
Mudane Madaxweyne Shariif Xasan ayaa la sheegay in Koonfur Galbeed uu ka dhigay Nidaam Jeebka uu gashto ee sida uu doono uu ugu tagri falo.
Khaalid Cumar Cali Wasiiru dowlaha Wasaaradda Arrimaha Dibadda Xukuumadda waqtigeedu dhamaaday ayaa sheegay in Shariif Xasan uu yahay Dalaal Siyaasadeed wax uu ku tilmaamay. waa sida hadalka u dhigey e.
Sidoo kale Wasiir Khaalid ayaa ka dhawaajiyay in Musharraxnimada Shariif Xasan ay tahay mid Maqaar saar ah ee uu ku doonayo in uu ku kala dalaalo Xildhibaanada Ka Soo Galaya Degaanada Dowlad Goboleedka KGS.
Ugu dambeyn Wasiir Khaalid Cumar Cali ayaa ka dhawaajiyay in Madaxweynaha Koofur Galbeed Shariif Xasan Sheekh Aadan uu indhaha ka dabooshay dhibaatooyinka AMISOM ay shabeelaha Hoose ugu geystaan shacabka.
