Baydhabo(INO)-Madaxweynaha Dowladda Koofur Galbeed Mudane Shariif Xassan Sheekh Aadan ayaa cambaareeyay Qaraxii Garoowe lagu eegtay Shaqaale ka tirsan QM iyo Weerarkii shalay ka dhacay Shabellah hoose ee lagu dilay Ciidamo ka tirsan AMISOM.
Afhayeenka Dowladda Cabdiqaadir Nadaara oo akhrinayay Warsaxaafadeed kasoo baxay Madaxweynaha ayaa sheegay in Shariif Xassan Sheekh Aadan maalmo gudahood uu booqan doono mar kale Magaalada Baraawe, si uu ula kulmo Odayaasha Dhaqanka, una qiimeeyo Xarumaha uu dagi lahaa Maamulkiisa.
“ war saxaafadeed ka soo baxay Madaxweynaha Dowladda Koonfur Galbeed Soomaaliya Ayaa lagu cambaareyey, Weerarkii Maanta Ka dhacey xaruntii QM ee magaalada Garowe, Madaxweynahu waxa uu tacsiyeeyey dadkii ku wax yeeloowey oo isugu jirey Soomaali iyo Ajaanib, wuxuuna ku baaqaya in si wada jir ah looga wada shaqeeyo loogana hortago kuwaasi oo dhibaatadda dadka u geysanaayo, sidoo kale madaxweynahu waxa uu tacsiyo u direy ciidamadii AMISOM ee shaley lagu weerarey Inta u dhexeyso Yaag-Beriweyne iyo Degmadda leego iyadoona AMISOM ay sheegtey in weerarkaasi loogu diley seddex ka mid ah Ciidamadooda , Madaweynuhu aad ayuu ugu xun yahay Falkaasi” Ayuu yiri Cabdi qaadir Nadaara.
Halkan Ka Dhageyso.
Idale News Online, Xafiiska Baydhabo
