Tiyeeglow(INO)-Wararka ka imaanaya dagmada Tiyeegloow ee Gobolka Bakool ayaa sheegaya in Ciidamada Dowladda ay Weerar ku qaadeen deegaan duleedka ka ah dagmadaasi oo la sheegay inay soo galeen dagaaliyahanada Xarakada Al-Shabaab halkaasi oo la sheegay in labada dhinac uu ku dhex maray dagaal Qasaaro geytay.
Inta la xaqiijiyay waxaa dagaalkaasi ku geeroyootay ku dhawaad 15 qof oo u badan dhinacyadii dagaallamay, iyadoo dhaawaca uu intaasi ka badan yahay.
Gudoomiyaha Maamulka Dagmadaasi Maxamed Cabdalle Xasan Foodcade ayaa sheegay in dagaalkaasi ay ku dileen ilaa 10-ka mid ahayd dagaaliyahanada al shabaab dhaawacana uusan tiro koob lahayn dhankoodana waxa uu shaaciyay inay ku dhinteen 3-ruux 2-kalena ay kaga dhaawacmeen iyadoo dadka shacabka ah ee deegaankaasina ay kaga dhimatay haweeney mid kalena ay ku dhaawacannay,
Gudoomiyaha ayaa xusay in dagaalkaasi kadib ay u suuragashay inay la wareegaan deegaanka oo ka mid ahaa deegaano dhowr ah oo ay gacanta ku hayeen Al-Shabaab
Halkan Ka Dhageyso
Idale News Online, Tiyeeglow
