Dhahar (INO)-Waxaa dagan xaaladda deegaanno ka tirsan gobalka Sanaag oo saaka dagaal uu ku dhexmaray ciidamada Puntland iyo Soomaaliland.
Dagaalka ayaa ka qarxay deegaanka Booda-Cade oo 30 Km dhanka waqooyi kaga beegan degmada Dhahar islamarkaan u dhaxaysa Xingalool iyo Dhahar.
Guddoomiyaha Gobalka Haylaan,Maxamed Faarax Janteelo oo la hadlay warbaahinta gudaha ayaa sheegay in ciidamo ka tirsan maamulka Soomaaliland ay duulaan kusoo qaadeen gobalka islamarkaana ay ka hortageen ciidamada difaaca Puntland sida uu hadalka u dhigay.
Guddoomiyaha waxuu inta ku darey in dagaalka dhankooda uu uga dhaawacmay hal askari balse ma jirto cid madaxbanaan oo xaqiijin karta sheegashada gudoomiyaha.
Dhankale xariir aan la samaynay dhanka Soomaaliland ayaa noo suurtoobi wayday inaan helno waxaana deegaanadasi ku sugan mas’uuliyiin ka tirsan Soomaaliland.
Sarkaal u hadlayay Soomaaliland ayaase sheegay dagaalka inay guul ka gaaren oo ay gaadiid dagaal ka qabsadeen ciidamada Puntland oo u marka sheegay inay duulan ku soo qaaden.
Dagaalkan ayaa kusoo aaday xilli maalmaha xiisan taagnayd qaybo kamid ah gobollada Sanaag iyo Haylaan, taasoo ka dhalatay qorshaha Soomaaliland ee ku aadan diiwaangalinta cod-bixiyaasha doorashooyinka maamulkaasi, waxaana halkaasi labada dhinac geeyeen ciidamo badan iyadoo shacabku walaac ka muujinayeen isku dhac dhexmara labada maamul.
Puntland iyo Soomaaliland ayaa muran xooggan horay uga dhex-taagnaa taasoo salka ku haysa lahaanshaha labada gobolka ee Sool iyo Sanaag, waxaana dhawaan saxaafadda haddalo isu marayay mas’uuliyiin katirsan labada maamul.
Halkan Ka Dhageyso
Audio PlayerXafiiska Warqabadka Idale News Online, Baydhabo
Email: Idalenewsonline@gmail.com Baydhaba Janaay.
