Qoryoley(INO)-Dagaalyahano ka mid ah Kooxda Shabaab ayaa xalay saqdii dhexe galay degmooyin kamid ah gobalka Shabeelada Hoose, gaar ahaana Qoryooley iyo Mubaarak oo ka wada tirsan gobalkaas, halkaas oo ay shalay ka baxeen ciidamada Midowga Africa ee AMISOM.
Maleeshiyada Shabaab oo si weyn uhubeysan ayaa la xaqiijiyey in ay gudaha ugaleen magaalada, waxa ayna saldhigyo ka sameysteen gudaha iyo daafaha magaalada, waxaana ay dadka usheegeen in ay is dajiyaan.
Maamulka dawladda ee gobalka Shabeelada Hoose ayaa sheegay in ay maqleen wararkaas, isla markaasna ay ciidamada dawladdu dib uqabsan doonaan magaalooyinka ay galeen kooxda Shabaab.
Ciidamada AMISOM ayaa shalay ka baxay deegaano ka mid ah gobalka Shabeelada Hoose oo maalmihii udambeeyey ay Shabaab ka bilaabeen weeraro culus oo lagu qaadayo xarumaha ciidamada AMISOM iyo kuwa dawladda Soomaaliya.
Idale News Online, Qoryoley
