Dagaal xoogan ayaa Maalintii 3-aad ka socda Deegaano ku yaalla duleedka Magaalada Kismaayo ee Xarunta Gobolka Jubbada Hoose.
Dagaalka oo u dhaxeeya Ciidamo uu wato Iftin Baasto, oo kamid ah Maamulka Axmed Madoobe & Kooxda Al shabaab ayaa waxa uu ka socdaa Maalintii 3-aad Deegaanka Cabdi-Biroole & Buulo Xaaji oo dhanka Galbeed ee Kismaayo.
Wariye ku sugan Kismaayo, ayaa uxaqiijiyay Shabakada Warbahinta Idale News in Dagaalka uu qarxay markii Kooxda Al shabaab ay Weerar rogaal celis ah oo ay ku qaadeen Deegaanada Cabdi-Biroole & Buulo Xaaji, Maalin kahor Dagaal looga soo saaray.
Al shabaab ayaa lagu soo waramayaa inay dib ula wareegtay Deegaanadaasi, sida ay Dadka Deegaanka ay xaqiijinayaan, waxaana Wararku ay sheegayaan in Ciidamada AMISOM & Maleeshiyada Raas Kambooni ay ku sugan yihiin meel aan ka fogeyn Deegaanadaasi.
Ugu yaraan 20 Qof oo dhinacyada Dagaal u badan ayaa ku dhintay Dagaalka ka socda Duleedka Kismaayo, waxaan wali xaaladu ay tahay mid aan deganayn maadaama labada dhinac ay isku horfadhiyaan Goobaha Dagaalka uu ka dhacayo.
Idale News Online – Xafiiska Baydhabo Janaay.
