Muqdisho(INO)Dowlada Talyaaniga ayaa qalab ciidan waxa ay gudoonsiisay Taliska Booliiska Soomaaliya, kadib munaasabad kooban oo ka dhacday safaaradda Talyaaniga ay ku leedahay magaalada Muqdisho. Danjiraha Talyaaniga u fadhiya Soomaaliya Fabrisio Marrcelli oo munaasabada ka hadlay ayaa sheegay in mar walba ay garab taaganyihiin Soomaaliya isla mar ahaantaana uu ka dhaxeeyo xiriir adag oo soo jireen ah gacana ay ka geesanayaan tayeenta ciidanka booliska
Taliyaha Ciidanka Booliiska Soomaaliyeed Sareeye Gaas Maxamed Sheekh Xasan Xaamud, oo isna Munaasabada hadal kooban ka jeediyay ayaa Dowlada Talyaaniga uga mahad celiyay taageerada ay la garab taagan tahay booliiska Soomaaliya.
Dowlada Talyaaniga ayaa kamid ah Dowladaha taageera Ciidamada kala duwan ee Dowlada Soomaaliya, waxaana dhawaan dalkaasi loo diray 25-sargaal oo katirsan booliiska Soomaaliya kuwaa oo kusoo qaadanaya tababar aqoon korori ah.
