Baydhabo(INO) — Hay’adda lTIS/DAI oo Xafiiskeeda Baydhabo ayaa waxay Qalab Xafiiseed ku Wareejiyeen Ururka Dhallinyarada Gobalka Bay iyo qayb ka mid ah xafiiska Maamulka Gobalka Bay.
Xafladda Wareejinta Qalab Xafiiseedkan ayaa waxaa ka hadlay Madaxda Gobol iyo kuwa Degmo; sida Guddoomiyaha Gobalka Bay, Rashiid C/llaahi iyo sidoo kale Guddoomiyaha Degmada Baydhabo C/llaahi Mad Watiin, iyagoo u mahad-celiyay madaxda hay’adda TIS oo ay sheegeen in mar walba u taagan tahay wax u qabashada Bulshada Gobalka.
“Hay’ada TIS waxay doonaysaa inay Mustaqbalka wax ka qabato dhinacyada dib u dhiska & Waxbarashada Gobolka Bay,” sidaa waxaa yiri Madaxa Hay’ada TIS Maxamed Cumar, isagoo soo dhaweeyay Madaxda Maamulka Gobalka Bay sida ay uga go’an tahay inay la shaqeeyaan Haya’dda.
Ugu dambeyn, Hay’adda TIS ayaa Hawlo badan ka Qabtay degmada Baydhabo, Hawlaha ay Qabatayna waxaa ka mid ah dib u dhiska Xafiisyada Maamulka Magaalada Baydhabo, Xarunta Tababarrada Haweenka, Hoolal Shirarka, Suuqyada Ganacsiga iyo Waddooyinka Degmada Qaarkood.
Idale News Online, Baydhabo
