Baydhabo(INO)-Waxaa Maanta Magaalada Baydhabo ee Xaruta Gobolka Bay, Deeq Gargaar ah Laga wareejiyey Gudi Wakiilo ah oo ka kala Socodey Degmooyinka Xudur, Waajid , Tiyeeglow iyo Rabdhuure oo dhamaan ku wada tirsan Gobolka Bakool.
Deeqdan Raashinka ah oo ay Soo Gaarsiisey Magaalada Baydhabo Dowladda Cumaan oo Maamulka Gobolka Bay gacanta ku haayey raashinkaasi,isla markaaana looga tala galiyey in loo qiibiyo 300 qoys oo ku dhaqan degmooyinka Gobolka Bakool.
Gudoomiyaha Ku Xigeenka dhanka Arimaha Bulshadda Ee Gobolka Bay Faysal C/qaadir Digir ayaa Maanta ku wareejiyey deeqdaaasi Raashinka ah wakiilada Degmooyinka Gobolka Bakool isagoona u mahadceliyey Dowlada Cumaan Oo Gargaar Bin’adanimo ka wada Gobolada Koonfurta Soomaaliya.
Anigoo ku hadlaya Magaca Gudoomiyaha Gobolka Bay oo aan wakiilka ahay C/rashiid C/laahi, waxaan Maanta ku wareejinaya Gudiga wakiilada Degmooyinka Gobolka Bakool Deeq raashin ah oo ay soo dhiibtey dowladda Cumaan oo looga talagaley in loo qiibo 300 qoys, waan u mahadceliyaa, waxaan leeyahay soo badiya gargaarkiina” ayuu yiri Faysal.
Sidoo kale Wakiilada maanta la gudoonsiyey deeqda raashinka ayaa waxay sheegeen in si hufun ay u gaarsiin doonaan Qoysaskaasi 300 ah ee Ku dhaqan Goboka Bakool oo degmooyinkiisa in badan ay ku jiraan Go’aan ka dib markii Maleeshiyadda Al-shabaab xirtey Wadooyinkii Muhiim ahaa ee Galayey Degmmyinka Gobolka Bakool taasoo dhalisey sicir barar iyo Xaalado nool xumo ah oo ka taagan Gobolkaasi.
Ugu dambeyntii Wakiilada Ayaa waxay sidoo kale Dowladda Cuamaan iyo Hay’adahaSamafalka ka dalabeen Inay soo Badiyaan Gargaarka.
Halkan Ka Daawo.
Idale News Online, Baydhabo
