Daawo:Dowladda Imaaraadka Oo Dowlada Koonfur Galbeed Ku Wareejisay Gaadiid

Muqdisho(INO)-Safiirka Dowladda Imaaraadka Carabta u fadhiya Somaaliya Danjire Maxamed Axmed Al-Cuthman ayaa maanta 10-baabuur oo isugu jirta Gaadiidka Ciidanka, Ambalaas, hal gaari oo Booyad ah iyo hal gaari oo ah nuuca aysan rasaasta karin kuwareejiyay Madaxweynaha Dowlad Goboleedka Koofgur galbeed Shariif Xasan Sheekh Aadan.Danjire Maxamed Axmed Cuthmaan oo ugu horeyn saxaafadda kula hadlay Xarunta safaaradda ee magaalada Muqdisho ayaa sheegay in gaadidka maanta ay ku wareejiyeen Maamulka Kooofur galbeed uu qeyb ka yahay taageerada Dowladda Imaaraadka Carabta ay la garab tagaantahay Dowladda Federaalka ah ee Somaaliya iyo Dowlad Goboleedyada dalka kajira.

Madaxweynaha Dowlad Goboleedka Koofur Galbeed Shariif Xasan Sheekh Aadan ayaa uga mahadceliyay Dowladda Imaaraadka Carabta gaadiidka ay ku wareejisay oo uu sheegay inay wax weyn ka tari doonaan tayeynta iyo dib y dhiska Ciidanka Koofur Galbeed.

Dowladda Imaaraadka Carabta oo kamid ah dalalka sida weyn u tagaeera Soomaaliya ayaa horay Dowladda dhexe iyo qaar kamid ah Dowlad Goboleedyada dalka ugu wareejiyay gaadiid ciidan iyo agab milatari si kor loogu qaado awooda Ciidamada Soomaaliya.

Halkan Ka Daawo