Idaale(INO)-Degaanka Idaale oo ka mid ah Degaanadda ugu waa weyn Ee Gobolka Bay isla markaana Ku dhex yaalla Dhulka hawdka ah Ee Dooy ayaa laga Soo Sheegayaa in Degaankaasi laga hergaliyey Iskuul wax lagu baraayo Caruurta Degaankaasi.
Degaanka Idaale oo Dhaca Galbeedka Gobolka Bay, ayaa hadda ah mid Barwaaqo Ah isla markaanka Noolasha dadka Degaankaasi ayaa inta badan waxay ku tiirsan tahay, Dhaqashadda Xoolaha Nool iyo Beeraha, iyadoona Degaanku uu sii balaaranayo Sanadba Sanadka Kasii Dambeeyo.
Baliga ama Warta ku taalla Degaanka Idaale ayaa iminka waxaa Fadhiya biyo badan, isla markaana Dhirta iyo Dooga Degaankaasina ay yihiin kuwo soo jiidanaayo Idhaha dadka.
Waxa Adag, in sawiro badan iyo Xog-wereyso quto dheer la Sameeyeyo Dadka Degaanka, iyadoona degaankasi ay ku xoogan yihiin Xoogaga Al-shabaab Ee Soomaaliya Ka Dagaalama isla markaana Dagaal Adag kula Jiraan Ciidamada Nabad Ilaalinta Midowga Afrika Ee Soomaaliya Ee AMISON iyo weliba DF Soomaaliya.
Alaadaha wax lagu duuba iyo Mobile-da Kaamiradda Leh ayaa Ka Mam-Nuuc ah la tagida Degaanada ay ka taliso Kooxda Al-shabaab, isla markaana Qofkii ay ku arkaan qalabkaasi waxay Ku Ganaaxaan markii ay la saa’iraan inuu bixiyo Hal Qori oo AK47 ah iyo 4 Qasnadood Oo Rasaas ah, hadii kale Meeshii Loo badanaa ayey dadku u diraan, ka dib markiii ay ku eedayaan Qofku Jaajuusimo.
Degaanka Idaale, ayaa aad ug liita dhanka Wax-barashada ma joogaan Macalimiin tayeysan Oo Waxbara Caruurta Degaankaasi, Malahan Xarumo Cafimaad ama MCH yar oo lagu daryeelo Hooyadda iyo Dhalaanka ah, markii laga reebo Farmashiyo, yar yar oo dukaamo dhex-dooda ku dhex yaallaan.
Si kastaba ha haatee, Degaanka Ee Gobolka Bay, ayaa waxa Soo marey tan iyo markii ay burburtey Dowladii Dhexe Ee Soomaaliya Marxalado kala Gedisan iyo burbur badan, iydoona Markii ugu darneyd ahayd daba yaaqadii sanadkii 2006, xilligaas oo si ba’an ay Ugu dhex dagaalameen Ciidamada Duulanka Ee Dowladda Itoobiya iyo kuwii Midowga Maxkamadaha Islamaanka Ee Soomaaliya.
Ugu dambeyntii, Degaanka Idaale Ee gobolka Bay, ayaa buuxi karaa Shuruudo Degnimo , iydoona DF Soomaaliya ay Horey ay u Sheegtey Shuruuda Degaanka uu Noqon karo Degmada Buuxdo, Shuruuda Laga Rabo ayaa ah in Degmo kasta uu u jiro Masaafad Dhan 40KM,Isla markaana, Degaanka Idaale waxa uu Baydhabo u jira 65KM , halka Degmada Diinsoor-na uu jiro Qiyaastii 50KM iyo wliba Degmada Qansaxdheere uu ku jiri karo Qiyaastii 45KM ama kiis badan.
Halkan Ka Daawo Sawiradda Degaanka Idaale
Idale News Online, Idaale
