New York(INO)-Askari katirsanaan jiray ciidanka cirka ee Mareykanka magaciisana lagu sheegay Tairod Nathan Webster Pugh ayaa la sheegay in la qabtay isagoo kusii jeeda dalka Suuriya si uu ugu biiro kooxda ISIL.Warkan waxaa laga soo xigtay wargeyska The New York Times.Askarigan oo da’adiisa lagu sheegay 47 jir ayaa la sheegay inuu makaanik ka ahaa diyaaradaha ciidanka cirka ee Mareykanka.
Wargeyska The independent oo soo xiganaya New York Times ayaa sheegay in askarigan mar aan sii fogayn shaqada laga eryay kadibna uu diyaarada ka raacay dalka Masar kana dagay Turkiga.Sida wargeysku sheegay saraakiisha dalka Turkiga ayaa qabtay askariga kadibna dib ugu celiyay dalka Masar iyadoo Masarna ay dib ugu celisay dalka Mareykanka.Mareykanka ayaa askarigii xabsi utaxaabay waxaana lagu eedeeyay taageerida ISIL.Mareykanku wuxuu sheegay in askarigan ka tirsanaa ciidanka cirka kombuyuutirkiisa laga helay cajalado dhan 180 oo jihaadi ah, qariirada xuduuda Turkiga iyo Suuriya iyo qoraal uu islaantiisa udiray.Qoraalka la sheegay in Bishii Janaayo uu islaantiisa udiray ayaa lagu sheegay sidan;
‘‘Laba mid umbay noqon doontaa,inaay guulaysto iyo inaan shahiido,hadii aan shahiido waxaynu heli doonaa qasri weyn oo dhul weyn ku yaala oo aan quruxdiisa la qiyaasi karin’’
Tairod Nathan Webster Pugh ayaa la sheegay inuu ku biiray ciidanka cirka ee Mareykanka 1986-dii kadibna uu islaamay sanadkii 1998-dii.
Ma aha askarigii ugu horeeyay ee Muslim ah ee dalalka ree galbeedku shaqada ka eryaan ama lagu eedeeyo dambiyo hal dhinac ah, waxaa sidan oo kale shaqadii looga eryay askari muslim ahaa oo ka shaqeynayay xarun ciidan oo ku taala dalak Germany.Askarigan dambe ayaa waxyaabihii lagu eedeeyay waxaa kamid ahaa inuu shanta salaadood tukado,Bisha Ramadaana soomo uuna jeclaan lahaa in shareecada islaamka dunida lagu xukumo.
Idale News Online, New York.
