Baydhabo(INO)-Wasiirka wasaaradda waxbarashada iyo Barbaarinta ee Dowladda KG Soomaaliya Mudane Saadaad Maxamed Nuur Caliyow ayaa maanta la kulmey madaxa Koonfurta iyo Bartamaha Soomaaliya ee Hay’adda UNICEF Mr.jean michel isla markaana howlo shaqo u jooga Magaalada Baydhabo ee xarunta Gobolka Bay.
Wasiirka ayaa uga warbixiyey xaaladda waxbarasho ee ka jirta Gobolada KG Soomaaliya iyo baahida hada jirta, isla markaana waxa uu carabka ku adkeeyey inay hay’daha UNICEF ee soomaaliya kaalin weyn ay ka geysato Raadinta tayada waxbaarashada ee KGS iyo agabyo waxbarasho oo ay u baahan yihiin ardeyda Goboladda Koonfur Galbeed Soomaaliya inay la soo gaarto.
Mr.Jean michel, Madaxa Xafiiska Koonfurta iyo Bartamaha Soomaaliya ee Hay’ada UNICEF ayaa soo dhaweeyey, dadaalada iyo isku dabaridka Hawlaha Guud ee ay wado Wasaaradda waxbarahadda iyo barbaarinta Ee Dowladda KG Soomaaliya oo Curduranka ah.
Hay’adda UNICEF ayaa ballan qaadey inay si deg deg ahi ugu soo jawaabeyso arintaasi, iyadoona wasaaradda waxbarashadda iyo Barbaarinta ee Dowladda Koonfur Galbeed Soomaaliya dhawaanahan ay Waday Dadaalo ku aadan Sidii waxbarasho tayeysan looga heli lahaa degaanadda Koonfur Galbeed Soomaliya.
Ugu dambeyntii, Hay’ada UNICEF ayaa waxay Soomaaliya ka waday tan iyo sanadkii 1973 Mashaariic kala gedisan oo ay ka mid yihiin waxbarista Caruurta Soomaaliyeed, iyadoona inta badan ay caawineyso Hooyada iyo Dhilaanta Soomaaliyeed.
Halkan Ka Daawo.
Mustafe Garabey, Idale News Online, Baydhabo
