Maryan Ibraahim oo ah gabar u dhalatay Dalka Sudan kana baxday diinta Islaamka, ayaa maanta xabsiga ay kuxiran tahay waxa ay ku dhashay Gabar ,sida Qareenka Gabadhaasi difaacaya uu u sheegay Wargeyska DailyMail ee kasoo baxa Dalka Ingiriiska.
Maxkamad kutaala Dalka Sudan ayaa Maryan Ibraahin todobaad kahor ku riday xukun dal dalaad ah kadib markii ay si cad u diiday in ay kusoo laabato diinta islaamka kana soo tagto nin Krishtaan ah ay guursatay .
Qareenka difaacaya gabadhan diinta Islaamka ka baxday ee xukunka lagu riday Mohaned Mustafa Elnour ayaa sheegay in ay usoo yeertay aqbaar wanaagsan oo ah in ay dhashay Maryan , waxa uuna tilmaamay in isaga iyo ninka qaba Gabadhan oo lagu maacaabo Daniel Wani ay ku booqan doonaan xabsiga ay ku xiran tahay.
Gabadhan u dhalatay Dalka Sudan ayaa hada ku jirta Xabsi Haweenka lagu xiro oo kuyaala Dalka Sudan , waxaana fulinta Xukunka Dal dalaada ah la sugayaa ilaa inta ay kanuujineyso cunuga ay maanta dhashay .
Idale News Online.
