Gudoomiyaha Gobolka Banaadir ahna duqa Muqdisho, oo maalmahan safar shaqo ku joogay dalka Turkiga, ayaa maanta dib ugu soo laabtay magaalada Muqdisho.
Mudane Muungaab ayaa munaasabad soo dhaweyn ah loogu sameyeey xaruunta maamulka gobolka uu ku leeyahay degmada Heliwaa, ayadoo munaasabadda soo dhaweynta ah ay ka qeyb galeen mas’uuliyiin kala duwan, fanaaiin iyo qeybaha bulshada.
Gudoomiyaha Gobolka Benaadir ahna duqa magalada Muqdisho Mudane Xasan Maxamed Xuseen Muungaab ayaa maanta dalka dib ugu soo laabtay, iyadoo markii uu ka soo degay garoonka diyaaradaha Aadan Cadde ee Muqdisho ay ku soo dhaweeyeen qaar kamid ah mas’uuliyiinta maamulka gobolka, guddoomiyaasha degmooyinka iyo xubno kale.
Guddoomiyaha Gobolka oo hadal ka jeediyay munaasabadda ayaa ka warbixiyay safarkii uu ku tegay magaalada Istanbul iyo kulamadii uu la yeeshey dhigiisa magaaladaasi Mr Kadir Topbas oo ay ka wada hadleen xoojinta mataaneynta labada magaalo iyo inay sii wadaan mashaariicda lagu horumarinayo caasimadda dalka.
Idale News Online, Muqdisho.
