Marka (INO)-Waxaa Xaley magaalada Markacadey ee xarunta gobolka Sh/hoose ku hoyanaayo madaxweynaha Dowlada Koonfur Galbeed Soomaaliya Shariif Xasan Sheekh Aadam halkaas oo horey ay ugu sugnaayeen wasiiro ka tirsan maamulka koonfur galbeed Somalia.
Isagoo dadweyne fara badan iyo ciidamda deegaanka la hadlay waxaa uu yiri” Ciidamada Deegaanada waa kuwa kaliya ee maamulka Koonfur Galbeed dhiiggooda u daadiyey, waxayna si rasmi ah uga mid yihiin Booliiska iyo Nabadsugidda maamulka Koonfur Galbeed “.
Gobolka Shabeelaha Hoose ayaa is jiid jiid badan oo dhanka maamulka ah soo maray ka hor inta aan si rasmi ah loo raacinin Koonfur Galbeed, dagaalkii ciidamada deegaanka ay la galeen Ragg la baxay Shabelle State ayaa Dowlada Koonfur galbeed u ahaa dhiiri gelin iyo qodobo ay ku andacoodaan si Sh/hoose aan meel kale loo geynin.
Hadalka Madaxweyne Shariif Xasan ayaa u muuqdo mid uu iskaga fogeynayo eedeeymo inta badan hawada loo marinayey oo ah inuu xiriir iyo heshiisyo hoose kula jiro tuugadii ku caan baxday dhibaatenta iyo boobka hantida shacabka Sh/hoose.
Halkan Ka Daawo.
Idale News Online, Xafiiska Marka
