Muqdisho(INO)-Faahfaahino ku saabsan qarax ismidaamin ah oo caawa maqribadii ka dhacay agagaarka Tiyaatarkii hore ee Qaranka oo ku yaalla ka soo horjeedka guriga Hooyooyinka.
Qaraxan ayey wararku sheegayaan in loo adeegsaday gaari caasi ah oo waxyaabaha qarxa laga soo buuxiyey kaasoo uu waday qof naftiisa soo biimeeyey.
Saraakiisha amaanka ayaa sheegaya in illaa 6 qof oo isugu jira shacab iyo askar ay ku dhinteen qaraxan, waxaana jira dhaawacyo fara badan oo loo qaaday goobaha Caafimaadka.
Qaraxa ayaa sidoo kale bohol weyn ka qoday bartamaha laamiga ka soo horjeeda tiyaatarka, isagoo burbur xooggan u geystay gaadiid wadada marayay iyo dhismeyaasha halkaas ku dhow sida guriga hooyooyinka oo ay ka soo daateen 39–muraayadihii daaqadaha.
Wariye Ismaaciil Cabdi Cali, Idale News Online, Muqdisho
