Baydhabo(INO)-Jaamacadda Koonfurta Soomaaliya ee Magaalada Baydhabo ayaa Maanta Waxay tababar Maclinimo u furtey 20 Bare oo Hablo ah kuwaasoo soo Dhameystey Dugiyada Sare ee Baydhabo, isla markaana waxa Gacan ka geystay Wasaaradda Waxbarashada ,Hidaha Iyo Tacliinta Sare Ee DF Soomaaliya.
Wasaaradda Waxbarashada Iyo Tacliinta Sare Ee Dowladda Soomaaliya ayaa lahayd shuruudaha iyo tayada lagu soo xuley 20-kan ardey oo loo tababaraayo Maclinimo.
Ardaydan macalinimada loo tababari doono muddo ku dhaaw 2 sanadood, taasoo wax weyn ka tari doonto waxbarashada gabdhaha soomaaliyeed Ee Ku dhaqan Goboladda Koonfur Galbeed Soomaaliya.
Xaflada Tababarka Maanta Waxaa Ka Hadley, Gudoomiyaha Jaamacadda Koonfurta Soomaalliya Proff. Maxamed Cali Axmed (Proff. Kalaay), Ali Aaden Oo ah Waskiilka Wasaaradda Waxbarashada Hiddaha iyo Tacliinta Sare Ee Soomaaliya , Abshir Mohamed Idris, oo ah Dean-ka Kuliyadda Waxbarashadda Ee USS, Iyo weliba Wasiirka Hidaha Iyo Tacliinta Sare Ee Dowladda Koonfur Galbeed Soomaaliya Mudane Xasan Ibraahim Xasan.
Mas’uuliyiintaasi ayaa waxay si wadajir ah waxay ugu hadleen Muhiimada Waxbrashada iyo Waxbarista Gabadhaha Soomaaliyeed, waxayna Hadalo Dhiiro galin ah u Jeediyeen ardeyda Maanta Loo Furey tababarka.
Sikastaba ha haatee, Waxbarashadu waa furaha Nolosha waxaana Aqoon la’aantu tahay Iftiin la’aan isla markaana waxaa u siman Wiilasha iyo Gabdhaha balse xuquuq ayaa jirta Alle siyay wiilasha iyo Gabdhaha xaga Jinsiga iyo xaga Aadaabta marka aan eegno waxbarashadda Gabdhaha KG Somalia aad Bay u liidata.
Inta badan Waalidka Gabdhaha Sooomaalidu waxay aaminsanyihiin inaanay Haboonayn in Gabadhodu ay waxbarato oo rag la tartanto balse kaliya ay ahmiyad siyaaan wiilasha.
Ugu dambeyntii, Jaamacadda Koonfurta Soomaaliya Ee Magaalada Baydhabo ayaa wado Dadaalo iyo wacyi galin.
Halkan Ka Daawo.
Idale News Online, Baydhabo
