Idale Somali News Update

Daawo: Hay’ada Hajira Oo Tababar Siisey Beeraleyda Degaano Hoos Yimaado Degmada Baydhabo

April 21, 2015

502

Baydhabo(INO)-Hayada HIJRA ayaa Beeraley Tiradooda Gaareysa Ku dhawaad 600 ayaa waxay u qabatey Tababar Aqoonta Beeraha iyo Waxsoosaarka habka ugu wanaagsan ee Beeraleyda ay u abuuran karaan Beerahooda, Berraleyda ayaa waxay ka kala yimaadeen Tuulooyinka Hoos yimaada Degmada Baydhabo sida Lawiile . Makuudo , Buulo uusin , Buulo jadiid , Galan garasle iyo Deynuuney , Goofgaduud Shabeelada , Dhegloole iyo Duurow . Tababarka ayaa weli socda , laakiin Maanta ayaa waxaa loo soo geba gebeeyey Laba kamid ah Tuulooyinka sida Makuudo iyo Lawiila.

Tababar ay wado Hayada HIJRA ayaa waxaa bixinayey Macalimiin Qibrad u leh dhinaca Beeraha . Beeraleyda ayaa waxaa labarayey Habaka ugu fiican ee qodashada Beeraha sida :- Saf saf u abuurashada , doorashada Abuurka , Dalag bedel (Crop Rotation) , Habka Cayayaanka iyo Cudurka loogu Hortagayo , xiliga Goosashada iyo Keydinta iyo Suuq Geynta , iyadoo si Pratical ah loo tusayey , waxaa kale oo Casharada kamid ahaa Sida loo sameeyo Xanaaneynta Qudaar (NURSERY) iyo sida Kushiimada loo sameeyo .

Hayada Hijra ayaa in Muda ah Taakuleeynaysey dadka Beeraleyda ee Gobalka Baay, waxyna horey u tababartey Fidiyaasha Tuulooyinka hoos yimaada Degmada Baydhabo , kuwaasoo cilmigii ay barteen ay sii bari doonaa Beeraleyda kale ee Tuulooyika degmada Baydhabo.

Madax hayada HIJRA Cusmaan Idiris ayaa ka hadley Gebagebadii Tababarka Maanta loo soo xirey Labada Tuulo ee Makuudo iyo Lawiile isagoo sheegey in aqoonta labarey ay latagaan Tuulooyinka si ay ugu faaideystaan Beeraleyda Kale . waayo Aqoonta waa mid Muiim u ah Beeraleyda.

Halkan Ka Daawo.