Baydhabo(INO)- Waxaa Maanta Magaalada Baydhabo Ee Xarunta Gobolka Bay shir ku yeeshey Gollaha Baarlamaanka ee Dowlad Goboleedka Koonfur Galbeed Soomaaiy oo Shaqadooda la dhaliilsanaa.
Kullanka waxaa shir gudoominayey Gudoomiyaha Baarlamaanka Koonfur Galbeed Soomaaliya C/qaadir Shariif Sheekhuna Maye isla markaaana Kullanku waxaa xubinimada Gollaha Baarlamaanka Koonfur Galbeed Soomaaliya looga dhaariyey Xildhibaanad Faxti Ibrahim Baaxuur oo bedeshey Xilidhibaanad Fadumo Abuu.
Kullankaas waxaa sidoo kale looga doodey 5 ajando oo kala ah; Misaaniyad ay soo gudbisey Wasaaradda Maaliyadda oo 4 biloodle ah, isla markaana waxa sharxaad ka bixiyey Nuxurka Miisaaniyadaasi Wasiirka Maaliyada Sheekh Xasan Ibrahim Lugbuur, dood dheer ka dib waxaa la galiyey Codka, kooramka oo ahaa 80 waxaa cod gacan taag ah ku ogolaadey 70 Xildhibaan in Miisaaniyada la meel mariyo waxaa diidey 7 waxaana ka aamusey 3 Mudane.
Wasiirka Maaliyadda Sheekh Xasan Ibrahim Lugbuur oo ka hadlay Kulanka Ansixinta ka dib ayaa Xildhibaanada Baarlamaanka Koonfur Galbeed Soomaaliya kaga mahad celiyay meel marinta miisaaniyadda 4ta Bilood, waxaana mudaniyaasha ku amaanay tallooyinka ka siiyeen Miisaaniyaddan sidii ay u meel mari laheyd.
Ugu dambeyntii, Gudoomiyaha Baarlamaanka Koonfur Galbeed Soomaaliya ayaa sheegey in Gudiyadii Baarlamanka Ee la soo dhisey maalinta Arbacada la akhrin doono.
Halkan Ka Daawo Sawiro.
