Baydhabo(INO)-Wararka ka imaanaya magaalada Baydhabo ee xarunta gobalka Bay ayaa waxay sheegayaan in halkaasi ay howlgal ka wadaan ciidamada amaanka, kaasi oo ay sheegayaan in lagu xaqiijinaayo amaanka guud ee magaaladaasi.
Saraakiisha ciidamada Booliiska ee Baydhabo Ee Xarunta Gobolka Bay ayaa sheegaya in ay ku raadjoogaan dadkii ka dambeeyay dil shalay gudaha magaaladaasi loogu geystay mid ka mid ah culimada ugu caansan magaaladaasi.
Xaafadaha magaalada Baydhabo ayaa la sheegayaa in lagu arkayo ciidamo booliis ah oo howlgal wada, hase ahaatee illaa iyo xilligaan lama soo sheegin cid howlgalkaan lagu soo qabtay.
Magaalada Baydhabo ayaa waxaa kusoo badanaya dilalka qorsheysan, iyadoo shalay la dilay Sheekh Aadan Wariisho oo noqonaya wadaadkii Seddaxaad ee magaaladaasi lagu dilo.
Idale News Online, Xafiiska Baydhabo.
